ما اتصورتش انى ممكن اكتب كلام وانا مش عارفة مين حيقرأه وده لانى اصلا مش بتكلم كتير و صعب تعرف ايه جوايا بجد، يمكن ده غلط فيا ... بس مش عارفة يمكن الانسان لما بيفقد احساس الامان وهو صغير بيفقد معه كمان الاحساس بأنه مهم أو ان ممكن حد يكون عايز يسمعه او حيستحمل حتى انه يفضفض وعليه بقت كل حاجة جوايا جويا فعلا فقررت انى اكلم نفسى وعشان ما ابقاش مجنونة قدام الناس يبقى حكلم نفسى هنا.... طب هو انا عايزة اقول اية؟؟؟ مش عارفة بس انا فعلا عايزة اتكلم لأن قلة كلامى خلت المكن صدا.. ايوة صدا!!! بقى وانا مع الناس كل حاجة عايزة اقولها متستفة 100/100 فى مخى تطلع على لسانى هرتلة وعشان كده عمرى ما كنت زعلانة من حد وعرفت اعاتبه وعمر ما حد كان زعلان منى عرفت ادافع عن نفسى.
طب ليه دلوقتى؟؟؟؟ يمكن عشان انا ببدأ حياة جديدة؟! يمكن عشان انا من الناس اللى بيقولوا عليها "سكت دهرا ونطق كفرا" وده كان السبب انى خسرت ناس كتييييير لانى عشان مش بعرف اعاتب وعشان زى ما قلت مش حاسة باهميتى بقيت بستحمل الحاجات من الناس اللى بحبهم ولما بزعل وده من النادر هما مش بيبقوا عارفين ازاى يتعاملوا معايا... فبيخروجوا من حياتى عشان انا ببقى خلاص مش ممكن استحمل القشة اللى قسمت ضهر البعير. بس انا عايزة انجح معاه فلازم اتكلم.
طب ليه دلوقتى؟؟؟؟ يمكن عشان انا ببدأ حياة جديدة؟! يمكن عشان انا من الناس اللى بيقولوا عليها "سكت دهرا ونطق كفرا" وده كان السبب انى خسرت ناس كتييييير لانى عشان مش بعرف اعاتب وعشان زى ما قلت مش حاسة باهميتى بقيت بستحمل الحاجات من الناس اللى بحبهم ولما بزعل وده من النادر هما مش بيبقوا عارفين ازاى يتعاملوا معايا... فبيخروجوا من حياتى عشان انا ببقى خلاص مش ممكن استحمل القشة اللى قسمت ضهر البعير. بس انا عايزة انجح معاه فلازم اتكلم.
